Në një konferencë me gazetarët kryetari i Partisë Demokratike Lulzim Basha ka folur në lidhje me reformën zgjedhore dhe debatet që po zhvillohen për të. Ai ka hedhur akuza ndaj deputetëve të grupit parlamentar të drejtuar nga Gazment Bardhi, duke e cilësuar mos lejimin e zhvillimit ë mbledhjes fizikisht si një “teatër me regji të Edi Ramës”.
Ai theksoi se debati këtë javë ka qenë “ik Enkelejd, hajde Oerd”, gjë që sipas tij nuk është në interes të publikut.
“Teatri me regji të Edi Ramës pamundësoi mbledhjen fizike të Komisionit të Reformës Zgjedhore. Thirrja ime është të lihen alibitë e të mundësohet funksionimi normal i këtij komisioni. Duhet barazi vote. Kush merr më shumë vota të bëhet deputet. Votim e numërim elektronik dhe vota e diasporës. Debati këtë javë ka qenë ik Enkelejd, hajde Oerd. Kjo është në interes të atyre që nuk e duan këtë. Nuk mendohet për interesin publik. Nuk duhet të humbasim kohë me qurravitje për interesa të vogla. Të enjten u është bërë dëm qindra e mijëra familjeve shqiptare me votimin e 11 ligjeve përmes rrëmujës”, deklaroi Basha.
