Gjykata e Posaçme e Apelit ka shtyrë deri më 24 janar shqyrtimin e ankimit të Fredi Belerit kundër vendimit që i refuzoi lejen e posaçme për t’u betuar si kryebashkiak i Himarës.
Mësohet se seanca në Apel dështoi pasi përfaqësuesi ligjor i Drejtorisë së Përgjithshme të Burgjeve ka qenë pa prokurë dhe kjo senacë do të zhvillohet me 24 janar të këtij viti.
Kujtojmë se Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota dhe që nga ajo ditë ai po mbahet si i burgosur edhe pse në rezultatin e zgjedhjeve ai doli i pari me numër votash.
Ai nuk ka mundur të marrë detyrën, pasi autoritetet gjyqësore nuk i dhanë leje për të kryer betimin, gjë që ka acaruar edhe marrëdhëniet mes Shqipërisë dhe Greqisë.
