Lulzim Basha ka bërë me dije në një dalje për mediat se do të doëzojë në Kuvend një amendament për buxhetin 2024, duke kërkuar rialokim të rreth 5 mld lekë të reja ndihmë ushtarake për Kosovën. Basha theksoi se opozita duhet të bëjë diçka për Kosovën, dhe ky do të jetë hapi i parë.Kujtojmë se buxheti i vitit 2024 u miratua me votat e mazhorancës në një situatë kaotike në Parlament mes tymit të flakadanëve në një kohë rekord vetëm 4 minuta.
“Gjatë javës që po lëmë pas, është përvijuar edhe më qartë kërcënimi që i paraqitet paqes dhe stabilitetit në rajon, në veçanti Kosovë, nga revanshizmi i Serbisë nën dogmën e botës serbe. Hapi i fundit sulmi terrorist në Banjskë, ende i pahetuar. Partnerët tanë strategjikë i kanë bërë të qarta qëndrimet e tyre. Në Tiranë nuk dëgjohet gjë tjetër veç kukuvajkave të mëngjesit te Kryeministria apo Kuvendi, dhe ato të darkës, e dini vetë ju ku. Asgjë për sigurinë kombëtare. Ky që është në pushtet bën teatër me regji për zhvillime pseudo-politike. Opozita duhet të bëjë detyrën e vet në drejtim të Kosovës. Ka në dorë jo thjeshtë të tregojë me gisht plagën, të vejë para përgjegjësisë shkaktarin e kësaj plage, por dhe të kërkojë hapa aktivë. Ndaj të hënën do depozitojë në Kuvend një amendament të megabuxhetit t që u kalua për 4 minuta. dhe do kërkojë rialokim të rreth 5 mld lekë të reja ndihmë ushtarake për Kosovën”, tha Basha.
