Zamir Kalemi, i plagosur dy ditë më parë në Tiranë, është marrë në pyetje nga hetuesit. Ai ka mohuar të ketë ndonjë konflikt të mundshëm me njerëz të afërt që mund ta rrezikonin. Kalemi gjithashtu ka bërë të ditur se nuk ka mundur të shikojë autorët dhe se ngjarja i ka ardhur papritur.
Ai ka treguar për itinerarin e ndjekur gjatë ditës. Në momentin e sulmit, ishte duke u kthyer nga një lokal ku kishte qëndruar bashkë me disa miq të tij. Hetuesit po punojnë me kamerat në zonën ku ka lëvizur Kalemi para ngjarjes, për të gjetur gjurmët e autorëve.
