Kryetari i Partisë Demokratike, Lulzim Basha ka zhvilluar ditën e sotme një konferencë me gazetarët, pas mungesës së tij disa mujore në media dhe në skenën politike.
Ai është pyteur sot lidhur me rikthimin e tij, menjëherë pas arrestimit të ish-kryeministrit Sali Berisha.
Sipas Bashës arsyeja pse nuk është shfaqur më media është fakti se muajt e fundit në PD është punuar për strukturimin e brendshëm.
Sa i përket ngjarjes së Berishës dhe grupit opozitar të Rithemelimit, Basha shprehet se demokratët ishin në një telenovelë ku aktor, regjisor dhe teleshikues ishin vetë politikanët e opozitës, ndërsa theksoi se grupimi i tij nuk ishte pjesë e kësaj të fundit.
“PD dhe unë kemi qenë në aktivitet të plotë, por nuk ishim pjesë e telenovelës, ku kush tallet më shumë për të krijuar mjegull për t’u fshehur pas saj.
Ka 2 vjet që Edi Rama sheh telenovelë falas, edhe në NETFLIX ndryshon telenovela pas dy vitesh. Ne refuzojmë të jemi pjesë e kësaj telenovele. U bëjmë thirrje të gjithë shqiptarëve të mos e ndjekin më këtë telenovelë”, u shpreh kryetari i PD-së.
