Mourinho mes rinovimit kontratës dhe spekulimeve për transferim në Brazil

Pas tre vitesh në drejtimin e Romës dhe fitimit të UEFA Conference League, Jose Mourinho tashmë po e shikon drejtimin e ardhshëm. Edhe pse skuadra ka arritur në çerekfinale të Kupës së Italisë, trajneri portugez ka bërë të ditur se ende nuk ka rinovuar kontratën e tij. Megjithatë, ai ka theksuar se nuk është i gatshëm të bisedojë me klube të tjera derisa të jetë në detyrë te Romë.

Në lidhje me raportet që flasin për interesimin e kombëtares braziliane, Mourinho ka shprehur dyshime duke thënë se askush nuk ka kontaktuar me të. Ai gjithashtu ka komentuar spekulimet rreth mundësisë së një trajneri të ri te Roma, duke shprehur bindjen se drejtuesit e klubit janë të sinqertë dhe se nuk ka arsye të besojë se ata bisedojnë me trajnerë të tjerë pas shpinës së tij.

“Sinqerisht, nuk mendoj se një trajner i ri do të vijë te Roma. Drejtuesit tanë janë të ndershëm, dhe unë i besoj 100% ndershmërisë së tyre. Nuk kam nënshkruar ende kontratën e re, por nuk shoh nevojë të flas me ekipet e tjera”, theksoi Mourinho. Në lidhje me thashethemet për interesimin e kombëtares braziliane, ai deklaroi se nuk ka pasur kontakte dhe se do të mbetet i përkushtuar te Roma derisa të ketë një ofertë konkrete nga një klub.