Dy avokatët e ish-kryeministrit Sali Berisha, Genc Gjokutaj dhe Sokol Mengjesi kanë ankimuar masën e sigurisë “arrest në shtëpi”, të vendosur nga Gjykata e Possaçme, pak ditë më parë.
Ashtu siç janë shprehur edhe më parë, ata e kanë quajtur masën ndaj Berishës antikushtetuese dhe të pabazuar në fakte të mirëfillta. Më herët ata u shprehën se GJKKO ka vepruar si gjykatë partizane, duke marrë urdhëra nga lart.
Kujtojmë se Gjykata e Posaçme pranoi kërkesën e SPAK dhe urdhëroi ish-kryeministrin të mos largohet nga banesa që gjendet në rrugën “Mustafa Matohiti”, njësia numër dy dhe të mos komunikojë me asnjë person tjetër përveç atyre që jetojnë në të njëjtën banesë me të.
