Në seancën e dytë gjyqësore në Bruksel për një rast të madh të trafikut të kokainës, i njohur si Megaprocesi i “Sky ECC” të pandehurit kanë falë përpara trupës gjykuese. Në këtë proces janë të pandehur 124 persona, përfshirë shqiptarë, belgë dhe kolumbianë. Në seancën e parë dëshmoi Eridan Munoz Guerrero, një shqiptar nga Vlora që ishte i martuar me një kolumbiane. Ai dyshohet se ishte një nga liderët e organizatës kriminale.
Në seancën e dytë u dëgjuan dëshmitë e tre të dyshuarve tjerë, të cilët mohuan çdo lidhje me trafikun e drogës. Ata janë:
Sofian B., një avokat që vizitoi Guerreron në burg dhe dyshohet se u përpoq ta zhvaste atë për 500,000 euro.
Anwar B., një punonjës në një qendër biznesi që ndihmoi Guerreron të siguronte automjete dhe të merrte me qira një ndërtesë. Ai kishte kontakte me një oficer policie dhe dyshohet se ishte i përfshirë në rrëmbimin dhe sulmin e një shoferi të transportit të drogës.
Maringlen C., një shqiptar që jetonte me Guerreron dhe u kishte dhënë drogë shoferëve të transportit të drogës. Ai gjithashtu ishte i pranishëm kur shoferi i transportit të drogës u rrah.
Të gjithë këta të dyshuar janë pjesë e një rrjeti të gjerë të trafikut të kokainës, i cili përdorte një aplikacion të koduar të quajtur “Sky ECC” për të komunikuar. Hetimi ka zbuluar se ky rrjet nxirrte sasi të mëdha të kokainës nga porti i Dunkirk në Francë dhe i shpërndante në Belgjikë, Holandë dhe Gjermani.
Tenderat në Kolonjë dhe ARRSH, SPAK çon në gjyq kryebashkiakun Erion Isai dhe ish-zyrtarët
SPAK ka përfunduar hetimet dhe ka dërguar për gjykim kryebashkiakun e Bashkisë Kolonjë, Erion Isai, ish-zëvendëskryetaren e tij, Eljona Mydini,...
