Presidenti Ilir Meta mëngjesin e sotëm mbajti një konferencë të jashtëzakonshme përpara mediave ku ka firmosur “live” edhe anulimin e zgjedhjeve të 30 qershorit.
Lidhur me këtë vendim ka reaguar edhe ambasadori I OSBE në Tiranë Bernd Borchardt. Ai është shprehur se Meta e kishte bërë të qartë këtë vendim edhe në javën e kaluar. Borchardt ka shtuar më tej duke thënë se zhvillimi i zgjedhjeve është çështje e brendshme e Shqipërisë, e ndërsa dhunën e ka lënë në përgjegjësi të atyre që organizojnë protestat.
Deklarata e Borchardt:
“Përfaqësuesi ynë e bëri shumë të qartë javën e shkuar për këtë. Ai tha se zhvillimi i zgjedhjeve është çështje e brendshme e Shqipërisë. Dhuna është përgjegjësi e atyre që organizojnë protestat.
Ata kanë përgjegjësi për dhunën. Kjo është çështje e brendshme për të vendosur dhe më pas Gjykatën Kushtetuese. Institucionet të zbatojnë argumentin më të mirë. Siç e thashë, institucionet shqiptare do e marrin këtë vendim’’.
