Një qytetare nga Durrësi, Liljana Miza, ka bërë një denoncim të fortë dhe të pazakontë.
Zonja pretendon se prokurori Erjon Shqarri është dënuar në Itali dhe se dy komisionere të Vetingut po e favorizojnë për ta konfirmuar në detyrë.
Sipas saj, anëtaret e Vetingut Genta Bungo dhe Valbona Sanxhaktari po fshehin dokumentet që konfirmojnë dënimin e prokurorit Shqarri, me qëllim për ta kaluar në Veting.
Erjon Shqarri është prokuror në Vlorë, ndërsa bashkëshortja e tij, Anita Jella, kandidate për në SPAK, është kryeprokurore në Durrës.
Shqarri u lakua për lirimin nga burgu të Shpati Lena 5 muaj para se të vritej breshëri kallashnikovi bashkë me Hakim Xhezon, në autostradën Fier-Vlorë.
Vetëm tre ditë pasi të lirohej Lena ishte kapur me armë pa leje në zonën e Ujit të Ftohtë në Vlorë.
Ndërkaq, ndërkombëtarët kërkuan shkarkimin nga detyra të bashkëshortes së Erjon Shqarrit, Anita Jella, e cila garon për t’u bërë pjesë e SPAK-ut.
Prokurorja Jella u konfirmua në detyrë në dhjetor të vitit 2019, por vëzhguesit e Operacionit Ndërkombëtar të Monitorimit, ONM, i kërkuan Komisionerit Publik që të apelojë çështjen me arsyetimin se ajo duhej të shkarkohej për mangësi në deklarimin e pasurisë dhe probleme të profesionalizmit.
Komisioneri Publik ankomioi në KPA vendimin e konfirmimit.
Shumica e trupës së Kolegjit e përbërë nga kryesuesja Ina Rama dhe anëtarët Albana Shtylla, Rezarta Schuetz dhe Sokol Çomo i kanë vlerësuar të pabazuara shkaqet e ngritua nga Komisioneri duke e gjetur të drejtë konfirmimin e Jellës, ndërsa relatorja Mulaj konstaton deklarim të pamjaftueshëm për pasurinë dhe probleme për profesionalizmin, duke çmuar se subjekti i rivlerësimit duhej shkarkuar.
Tashmë pritet të bëhet prokurore edhe kunata e Anita Jellës, Fjorda Shqarri. Kjo e fundit është regjistruar në Shkollën e Magjistraturës në vitin 2019./Prapaskena
