Kanë përfunduar hetimet për ish-kryebashkiakun Vangjush Dako, që pritet të paraqitet në GJKKO.
Gazetarja Klodiana Lala raporton se akuzat do t’i komunikohen gjatë ditës së sotme, ndërkohë që janë marrë të pandehur dhe 10 persona të tjerë.
Vangjush Dako dhe ish-bashkëpunëtorët e tij akuzohen për shpërdorim detyre dhe falsifikim dokumentesh teksa ishin në krye të punës.
Bëhet fjalë për një pallat që u nis 7 kate në 2010 dhe përfundoi 11 kate në 2014 dhe u dëmtua nga tërmeti në 2019. Për këtë u arrestua dhe ndërtuesi i pallatit Fiqiri Farruku, i cili u lirua pak ditë më parë ngas GJKKO, duke i ndryshuar masën nga “arrest me burg” në “arrest shtëpie”.
Për këtë rast akuzohen Vangjush Dako, Drejtori i Drejtorisë së Kontrollit dhe Planifikimit të Territorit Adhurim Qehajaj. Arkitekti Ermal Lama, projektuesja Meri Semini topografët Fatmir Ejupi dhe Adrian Bulku.
Mirëpo, kjo nuk akuza e vetme ndaj Dakos! Bëhet fjalë për një tender të zhvilluar më 25 mars 2014 për shërbim konsulence, “Projektim zbatim për Promenadën Bregdetare dhe Plazhin publik nga Bërryli deri në Currila”, që u ndryshua sipërfaqja nga 2.04 hektarë në 20.4 hektarë, vlera arriti në 210 mln lekë.
