Dita e Pavarsisë së Shqipërisë u festua në zemër të Britanisë së Madhe, ku mijëra shqiptarë zbarkuan në Londër duke festuar me flamuj dhe me këngë shqiptare.
Prestigjozja “Dailymail” shkruan se rrugët rreth Westminsterit u bllokuan nga qindra shqiptarë që valëvitnin flamuj dhe ndiznin fishekzjarre.
Mirëpo, për shkak të zhurmës së shkaktuar nga festa, policia Metropolitane ka arrestuar disa shqiptarë, të cilët kanë hedhur fishekzjarre si dhe kanë qëlluar me shishe drejt policëve.
Mësohet se para arrestimit të tyre policia lëshoi një urdhër që shqiptarët të largoheshin nga rrugët e Londrës qendrore, por ata nuk i janë bindur urdhërit dhe kështu janë bërë disa arrestime për bllokimin e rrugëve dhe prishjen e qetësisë publike.
Videoja e shpërndarë në mediat sociale tregojnë demonstruesit shqiptarë që bëjnë paradë me makinat e tyre dhe flamujtë mes Londrës.
