Futbollisti i kombëtares, Taulant Seferi gjatë eleminatoreve për “Euro 2024” arriti të tërheqë shumë vëmendje për pamjen e tij fizike, por edhe për peformancën në fushën e lojës.
Ai ishte i ftuar dje në “Më Lër të Flas”, ku ndau disa detaje nga jeta personale, përfshirë edhe nëse është single apo jo.
Gjatë pyetjeve që Donald dhe Romeo Veshaj i bënë sulmuesit, ai theksoi se prej katër vitesh është në lidhje me një vajzë shqiptare që jeton në Zvicër.
Talunati tha se ndonjëherë ajo bëhet xheloze për videot virale që janë bërë në rrjete sociale nga vajzat, por ka arritur të gjejë zgjidhjen.
Moderatorët nuk nguruan të vijojnë më tepër diskutimin, duke e pyetur edhe për vjehrrën Taulant Seferin.
Biseda e marrë nga Top Channel:
Donald Veshaj: Taulant si i ke marrëdhëniet me vajzat? Si shkon situata?
Taulant Seferi: Unë e kam një vajzë (të dashur) që jeton në Zvicër.
Donald Veshaj: Domethënë je në një marrëdhënie?
Taulant Seferi: Ka katër vite që jemi bashkë.
Donald Veshaj: A ndjehet ndopak xheloze apo ti je një mashkull që të jep sigurinë?
Taulant Seferi: Unë i ka dhënë sigurinë. I ka parë ajo të gjitha memet, domethënë ndonjëherë bëhet xheloze për këto videot virale në TikTok por unë i kaloj me sportivitet. Unë jam shumë i lumtur.
Romeo Veshaj: A ke në plan dasëm apo fejesë?
Taulant Seferi: Akoma jo, besoj që në një të ardhme jo shumë të gjatë do të kemi diçka.
Romeo Veshaj: Po vjehrra a vjen të sheh në stadium?
Taulant Seferi: Jo, duke qenë se ajo jeton në Zvicër. E dashura është shqiptare.
Romeo Veshaj: Unë doja të dija a të do vjehrra?
Taulant Seferi: Po, më do shumë vjehrra.
