Kompania e fluturimeve Wizz Air vazhdon të jetë e parregullt në linjat e saj ajrore, si me vonesat ashtu edhe në kushtet e udhëtimit.
Edhe pse ka pasur shumë denoncime publike dhe ankesa nga qytetarët, shteti nuk ka marrë asnjë masë kundrej kësja kompanie.
Këtë të premte, Wizz Air ka anuluar dhe shtyrë sërish fluturimet për 24 orë, në minutat e fundit. Kompania i kishte njoftuar pasagjerët se fluturimi do të shtyhej me dy orë. Fluturimi ishte parashikuar për të nisur në orën 12:10. Fluturimi u shty për në orën 14:00 nga Tirana në Milano.
Kur pasagjerët u paraqitën sot në orën 11 për të bërë check in, u njoftuan se fluturimi ishte shtyrë me 24 orë.
Sipas Prapaskenës përfaqësuesit e Wizz Air brenda Aeroportit të Rinasit janë shprehur se nuk dijnë asgjë dhe nuk përfaqësojnë kompaninë. Ata i kanë drejtuar pasagjerët dhe që të ankohen online në faqen e kompanisë edhe pse nuk rimburson fare qytetarët për shpenzimet që mund të kenë pasur.
Në vend që të procedohej penalisht dhe të dëbohej me urgjencë, të sekustrohej dhe izolohej si kartel kriminal, Wizz Air vijon të tregojë parregullsi të shumta, sigurisht në bashkëpunim të heshtur me organet e shtetit shqiptar.
