Një ditë e trishtë për artin shqiptar. Shkodra dhe Shqipëria humbën sot një emër të madh të artit dhe humorit, ndërron jetë në moshën 73-vjeçare Zef Deda.
Charlie Chaplin i Shqipërisë mësohet se ka ndërruar jetë pas një sëmundje të rëndë që e kishte prekur prej pak kohësh, të cilës nuk i mbijetoi dot.
Lajmin e trishtë e ka shpërndarë edhe djali i tij, aktori i njohur Julian Deda në rrjetet e tij sociale, duke zgjedhur të postojë vetëm fjongon e zezë pa asnjë mbishkrim.
Mjeshtri i Madh i humorit ka qenë një nga aktorët më të dashur për shqiptarët. Ai ka spikatur me rolet e rij në teatër dhe në kinematografinë shqiptare.
Karrierën e tij e zhvilloi gjithmonë në Shkodër, në djepin e tij të lindjes, aty ku edhe mbylli sytë. Ai i kushtoi tetatrit të Shkodrës, 40 vite jetë, pasion, energji dhe humor duke u bërë salla e teatrit Migjeni vendi i preferuar i shkodranëve.
