Turqia ka informuar NATO-në se ratifikimi i anëtarësimit të Suedisë nuk do të përfundojë në kohë për ceremoninë e anëtarësimit gjatë takimit të ministrave të jashtëm të aleancës, bwjnw me dije disa burime. Komisioni i jashtëm turk ka shtyrë votimin për anëtarësimin e Suedisë në NATO për shqyrtime të mëtejshme. Ministrat e NATO-s do të takohen në Bruksel më 28 dhe 29 nëntor, por Ministria e Jashtme turke nuk ka komentuar.
Suedia dhe Finlanda kërkojnë anëtarësim në NATO pas agresionit të Kremlinit në Ukrainë, megjithatë Presidenti turk Erdogan ka kundërshtuar anëtarësimin e tyre, duke thënë se mbrojnë grupe të cilat Turqia i konsideron terroristë. Turqia ka aprovuar anëtarësimin e Finlandës në prill, ndërsa Suedia vazhdon të presë.
Turqia ka kërkuar nga Suedia veprime të mëtejshme kundër anëtarëve të PKK, ndërkohë që Stokholmi ka prezantuar një projekt-ligj kundër terrorizmit dhe ka hequr kufizimet e eksportit të armëve për Turqinë. Ratifikimi i anëtarësimit kërkon miratimin e projektligjit nga komisioni i jashtëm turk para një votimi parlamentar, duke shtuar sfidat në lidhjet e Turqisë me aleatët e saj. Megjithatë, Hungaria ende nuk e ka ratifikuar anëtarësimin e Suedisë, dhe Turqia shihet si pengesë kryesore për pranimin e Suedisë në NATO.
