Pas kërkesës së dorëzuar nga deputetët e maxhorancës për përjashtimin e disa deputetevë të opozitës, për kaosin e shkaktuar në Kuvend në seancën e fundit ka reaguar Komisioni i Etikës.
Sipas këtij komisioni janë përjashtuar me 10 ditë nga Kuvendi deputetët Flamur Noka, Gazment Bardhi, Bledjon Nallbati dhe Flamur Hoxha.
Ndërkohë nuk janë përjashtuar dy deputetet Sorina Koti dhe Albana Vokshi, të cilat ishin pjesë e listës në kërkesën për përjashtim.
Kujtojmë se seanca e fundit plenare zgjati vetëm disa muinuta, pasi tymi dhe kaosi përfshinë sallën e Parlamentit. Edhe pse ishte parashikuar që të ishte një seancë maratonë për të diskutuar buxhetin e 2024-ës, opozita bllokoi sërish punimet, si rrjedhojë votimi u përshpjetua dhe u miratua projektbuxheti i ri i shtetit.
