Shefi i Komisariatit nr. 6 në Tiranë, Dedan Gjoni, u arrestua së fundmi në kuadër të operacionit të SPAK, për të goditur një grup kriminal i cili trafikonte sasi të mëdha kokaine në vende të Evropës dhe kryesisht nga vende të Amerikës Latine që nga viti 2021.
Punonjësi i policisë thuhet se ka përdorur sistemet e Policisë së Shtetit, në të cilat ka patur akses për shkak të detyrës që ushtronte, në shërbim të qëllimeve të paligjshme te shtetasit Ismail Zeneli.
Rezulton se shtetasi Dedan Gjoni ka vepruar në shkelje të plotë të detyrave funksionale të tij, duke krijuar kushte që mund të cenojnë jetën e personave Edmond dhe Albert Nela, si dhe ka kryer veprime aktive në kundërshtim me misionin e policisë së shtetit.
Shtetasi Dedan Gjoni në bisedën e datës 24.02.2021 shprehet se: ” E E E” “Beso se kësaj radhe jemi në shenjë”… “Me qetësi do e marrim tani”… “Jemi në kokë”…” ekspozon veten si pjesë të planit.
Po çfarë lidhjesh të tjera të forta ka Dedan Gjoni? A është mbiemri i tij një mbiemër i njohur për publikun?
Detaje të reja kanë dalë në pah për shefin e Komisariatit nr.6, ai është djali i vëllait të ish-gjyqtarit Gjin Gjoni që pati dhënë dorëheqjen, para se të dilte para Vetingut.
Po kush është Gjin Gjoni?
Gjyqtari Gjoni është një figurë e njohur e sistemit të drejtësisë, i konsideruar si një nga gjyqtarët më të pasur në vend.
Ai pas 27 viteve karrierë vendosi të largohej me urgjencë nga sistemi gjyqësor, duke bojkotuar kështu procesin e Vetingut.. Në letrën e tij të dorëheqjes, Gjoni pretendonte se Vetingun po e kalojnë vetëm “shërbëtorët e politikës” dhe ata që “firmosin dhe vulosin pa menduar”.
Në vitin 2018 Gjoni prej 20 muajsh po verifikohej nga Komisioni i Vettingut për ligjshmërinë e pasurisë, pastërtinë e figurës dhe aftësitë profesionale, një kohë kjo shumë e gjatë në raport me kohëzgjatjen e gjyqtarëve të tjerë. Në këto rrethana, përballja e Gjin Gjonit me Komisionin e Vettingut, për t’u njohur me gjetjet e Verifikimit, ishte e pashmangshme, prandaj zgjodhi dorëheqjen.
