Seanca e sotme në Kuvendin e Shqipërisë është shoqëruar me tensione nga ana e opozitës, deputetët e së cilës hodhën tymuese në mes të seancës duke e ndërlikaur votimin e buxhetit të ri për vitin 2024.
Pavarësisht tensioneve, zhurmës dhë rrëmujës, kryetarja e Kuvendit, Lindita Nikolla miratoi në parim projektbuxhetin për vitin 2024. Gjatë fjalës së saj, ajo bëri një gafë kur raportoi shifrat se sa depuetë votuan për këtë projektbuxhet.
Ajo u shpreh se ky projektbuxhet u votua nga 83 depuetë socialistë, që ishin pro, ndërkohë që prezentë në sallë ishin 73 depuetë të PS-së.
Lidhur me këtë gafë të Lindita Nikollës është përgjigjur zyra e shtypit të Kuvendit ku sqaron se të gjitha aktet ligjore sot votuan me 73 vota pro.
