Ditën e sotme një 59-vjeçar (që më parë u tha se ishte 62-vjeçar) është arrestuar në Maliq pasi ka përndjekur dhe ngacmuar seksualisht një vajzë të mitur. pasi akuzohet se ka ngacmuar seksualisht një vajzë të mitur. Bëhet e ditur se 59-vjeçari ka ngacmuar me fjalë dhe ka përndjekur një vajzë 12-vjeçare, teksa ajo shkonte në shkollë. Mësohet se e mitura ia ka rrëfyer shqetësimin fillimisht gjyshes së saj dhe më pas psikologes së shkollës.
Vajza ka bërë denoncimin pranë policisë, në prani të psikologes. Këta të fundit kishin informacion për autorin, pasi konstatohej edhe si përdorues i alkoolit, dhe prej pak kohësh po mbahej nën mbikqyrje nga ana e policisë. Ndërkohë që një e afërmja e vajzës me iniciale L. Demiri ka deklaruar se ai e ngacmonte prej kohësh dhe vajza nuk kishte treguar fillimisht. Në momentin që është marrë vesh e gjithë situata, familjarët e kanë vonuar denoncimin pasi Anesti Sala ishte person problematik.
“Ne nuk na kishte treguar. Tre ditët e fundit e ndiqte kur shkonte për në shkollë dhe e kërkonte që t’i afrohej. I ka kërkuar që të afrohej edhe kur ishte me persona të tjerë e shoqëruar. Ngacmimet me fjalë kanë zgjatur prej kohësh por nuk kishim bërë denoncim pasi autori është një person problematik,” u shpreh ajo.
