Kapiteni i ekipit kuqezi, Berat Gjimshiti i ka dhuruar skuadrës së tij, Atalantës një gol tre pikësh, ç’ka bën që ky ekip të kualifikohet në Europa League.
Kjo është ndeshja e tij e 200-të me ekipin bergamask, ku në shumë ndeshje ka arritur të udhëheqë ekipin e tij duke i dhënë dhe fitore herëpashere. Pas golit të shënuar të gjithë tifozët brohoritën në kor emrin e Gjimshitit, ndërsa kolegët e ekipit të tij festuan së bashku me të.
Kujtojmë Berat Gjimshiti është një nga lojtarët më të mirë në radhët e Atalanta-s, i vlerësuar me notën 7.
Lojtari shqiptar ka komentuar performancën e tij në një intervistë të shkurtër për Sport Mediaset.
“Ishte një mbrëmje e veçantë për mua të bëja 200 ndeshje me këtë fanellë, jam shumë krenar për këtë. Sigurisht edhe goli i fitores që na dha tre pikët, jam shumë i lumtur për skuadrën, por dhe për veten. Tani jemi kualifikuar, por është edhe vendi i parë në lojë, tani do të përballemi me Sportingun, një ndeshje e vështirë, por në dëshirojmë të fitojmë dhe të mbajmë vendin e parë”, u shpreh Gjimshiti.
