Edhe seanca e sotme plenare është shoqëruar me tensione të shumta, ku skenari i opozitës ka qenë i ngjashëm me atë të javës së kaluar.
Ndërkohë që kryetarja e Kuvendit Lindita Nikolla pas situatës kaotike të krijuar pas 20 minutash ka njoftuar mbylljen e senacës në Kuvend.
Ish-kryeministri Sali Berisha ka folur për mediat, duke e konsideruar mazhorancën si model i narko-diktaturës.
Po ashtu Berisha thekson se mazhoranca vazhdoi kolapsin dhe asgjësimin e pluralizmit.
“Përsëri kanë tmerr nga të drejtat kushtetuese të opozitës. Përsëri mbrojnë pasuritë e vjedhura. Përsëri mbrojnë Edi Ramën. Vazhdon kolapsi i plotë dhe asgjësimi i pluralizmit në Parlament. Ne e konsiderojmë mbështetjen tuaj vendimtare për largimin e narko-diktaturës nga Shqipëria. Kam besim të plotë se kjo betejë do të fitohet dhe se Edi Rama vendosi të bëjë gjithçka për të shpëtuar lëkurën e tij. Beteja jonë e ka bërë atë njeriun e pa shpresë”, theksoi ai.
