Big Brother VIP Kosova ka kaluar kufinjtë në shikueshmërinë e tij, duke u bërë kështu temë e nxehtë në portalet dhe mediat në trevat shqipfolëse.
Një debat me tone ofenduese në Prime-in e kaluar mes opinionistes Anita Mucajt dhe njërit nga banorët, Ganisë. Ishte Anita ajo e cila iu drejtua banorit duke i thënë: “A e ke parë veten në pasqyrë?”
Ky debat ka arritur që të komentohet dhe të kritikohet nga personazhe të shumtë të botës së televizionit. Një nga këto personazhe është edhe Zhaklin Lekatari, e cila i di mirë avantazhet dhe disavantazhet e karriges së opinionistes.
Përmes një postimi në Instagram, Zhaklina e ka ironizuar opinionisten, duke u shprehur se klasi nuk është ujë.
“Nuk e shoh të përshtatshme të komentoj emisionet e tjera, mbi të gjitha kur nuk paguhem për të dhënë opinion, por di të them që: ‘Klasi nuk është ujë”.– ka shkruar ish-opinionistja e “BBV”.
