Një ngjarje e rëndë ka ndodhur në Tropojë, ku një fëmijë ka humbur jetën.
Mësohet se ngjarja ka ndodhur në Dragobi ku një fëmijë 12 vjeç me inicialet J.D ka rënë në lumin Valbona gjatë kohës që ka qenë duke zënë peshk.
12-vjeçari është gjetur i pajetë në shtratin e lumit ditën e sotme pas denoncimit që i kanë bërë prindërit.
Njoftimi i plotë:
Tropojë.
Më datë 12.05.2019, pasdite, kanë njoftuar familjarët se fëmija i tyre i mitur J.D., vjeç 12, banues në fshatin Dragobi, ka shkuar për të zënë peshk rreth 200 m larg banesës së tyre, në lumin Valbona, dhe nuk është kthyer më. Forcat e Policisë të Komisariatit të Policisë Tropojë së bashku me familjarët dhe banorët e fshatit, kanë vijuar kërkimet për gjetjen e të miturit, ku sot në orët e para të mëngjesit është bërë e mundur gjetja e trupit të pajetë të të miturit, në shtratin e lumit Valbonë, në vendin e quajtur “Ura e Dragobisë”. Nga veprimet e para hetimore dyshohet se i mituri aksidentalisht ka rënë në lumë, ku për pasojë ka humbur jetën. Materialet u referuan në Prokurorine e Rrethit Gjyqësor Tropojë, për hetime të mëtejshme, për ngjarjen aksidentale.
