Deputetja e Partisë Demokratike, Albana Vokshi ka dorëzuar këtë të premte në SPAK një dosje me prova të reja, që sipas saj faktojnë shkeljet në koncesionin e “Check Up-it” në shëndetësi.
Në një deklaratë për mediat, Vokshi u shpreh e gatshme për t’iu përgjigjur kërkesave të SPAK-ut, nëse do të duhet informacione shtesë për këtë koncesion, por duke kërkuar që institucioni i lartë i drejtësisë të mos jetë me dy standarde. Kujtojmë se kallëzimi për check up-in është dorëzuar në SPAK rreth 3 vite më parë dhe kishte në fokus dy funksionarët më të lartë të ministrisë së shëndetësisë dhe bashkë me ta edhe aksionerët e kompanive koncesionare.
Në kallëzim përmendet se vetëm për 2015-ën, kontrollin e kanë kryer 244.440 persona, por pagesa është kryer për 357 mijë persona që do të thotë se, vetëm për këtë fashë kohore, koncesionari është paguar për 110 mijë kontrolle të parealizuara.
