Sikurse paralajmëroi edhe më herët Loredana doli sot në konferencë rreth orës 14:00 së bashku me dy avokatët për t’i dhënë përgjigje të gjithë akuzave që janë bërë ndaj saj, gjatë këtyre ditëve.
Loredana nuk ndodhej vetëm. Ajo shoqërohej nga bashkëshorti i saj Mozzik i cili e mori disa herë fjalën gjatë konferencës.
“Prej asnjë personi nuk janë marrë paret me mashtrime. Paret janë marrë me vullnet të palës tjetër. Ajo e ka pranu dhe e ka bërë me dëshirën. Ky sen ka fillu në 2016-tën. Në 2018-tën, Zefi janë në këtë punë brenda, më kanë tregu që në 2018-tën është mundësia me mbyllë këtë rast. Unë nuk e di çka kanë bo këta persona mes vete, pse nuk është mbyll ky rast. Në 2018-tën kur e kam marr vesh kam qenë në gjendje me i ndihmu, palës time, familjes që është mbi të gjitha. Nuk më interesojnë mediat, muzika, kurgjo kur është pyetja familja ime”, u shpreh Loredana gjatë fjalës së saj.
Nga ana tjetër Mozzik sqaroi se çdo akuzë e thënë për Loredanën nuk është e vërtetë dhe se do ta mbështesë bashkëshorten e tij deri në fund për këtë çështje.
Kishte qendruar i heshtur për një kohë të gjatë pas akuzave ndaj Loredanës për zhvatjen e një çifti zviceran (lexo këtu), por sot Mozzik gjeti hapësirën e duhur në konferencë për të folur dhe për të sqaruar të vërtetën sipas tij.
Ai i mohoi akuzat e bëra në adresë të Loredanës dhe madje tha se do ta mbështesë deri në fund për këtë çështje. Gjithçka që është shkruar sipas tij në media janë të pavërteta duke thënë : “Loredanën e kam grua, kam një fëmijë me të. Çfarëdo që të ndodhë, unë jam bashkëshorti i saj!”
‘Zoti nuk i hup njerëzit e drejt kurrë’, u shpreh reperi.
Pyetur nëse do të largohen për në Zvicër, çifti u përgjigj se do të qendrojë edhe disa ditë në Prishtinë për xhirimet e klipit të tyre dhe më pas do të largohen së bashku me vajzën e vogël.
