Vrasja e Martin Bardhit pak ditë më parë ka shkaktuar tërmet në Komisariatin e Rrëshenit dhe në radhët e drejtuesve në Drejtorinë e Policisë Lezhë.
Në krye të Komisariatit Rrëshen është emëruar Klodian Kondi, Zëvendës Drejtor për Hetimin në Drejtorinë e Policisë Lezhë është emëruar Gentjan Berberi dhe Zëvendës Drejtor për Rendin është emëruar Altin Mena.
Këto ndryshime kanë ardhur për shkak të situatës së krijuar se fundmi nga ngjarja në Mirditë, ku u vra me breshëri kallashnikovi Martin Bardhi dhe u plagosën 3 të tjerë që ishin në tavolinë me të.
