Njëri nga të dyshuarit për vrasjen e djeshme në Dukagjin është vetëdorëzuar në polici. Edmond Nika është paraqitur ditën e sotme në policinë e Shkodrës në lidhje me krimin e brendshëm në Dukagjin ku një i moshuar u vra dhe u plagos djali i tij. Nika ka deklaruar në polici se; “nuk kam lidhje me ngjarjen dhe kam qenë gjithë ditën e djeshme në kamera”.
Mbrëmë u vra Zef Guri, 73 vjeç dhe u plagos djali i tij, Gjin Guri 46 vjeç, i cili ndodhet në gjendje të rëndë shëndetësore në spitalin e traumës në Tiranë. Dyshohet se shënjestër ka qenë Gjin Guri, të cilit i kanë vënë edhe tritol në lokal më herët.
