Laert Haxhiu, i cili është arrestuar nga policia greke dhe ndohet në qeli, akuzohet si autor dhe porositës i shumë ngjarjeve kriminale. Ai është i dyshuari kryesor për masakrën e Lushnjes. Banda e tij u fundos nga dëshmia e Artan Tafanit, i arrestuar pak kohë më parë për grabitje të një pike të këmbimit valutor, i cili nxori në dritë disa vrasje dhe ngjarje kriminale, që kanë si autor kryesor Haxhinë. Drejtorit i policisë së Shtetit, Muhamet Rrumbullaku në konferencë për mediat deklaroi lidhur me megaoperacionin e koduar “Never Forget”, se për ekstradimin e Haxhiut po procedohet në bashkëpunim me zyrën homologe të Interpolit grek.
“Porositës dhe organizator. Fshihej, policia ka analizuar një sërë informacionesh, në kuadër të shkëmbimit të informacionit me pol greke është bërë i mundur arrestimi i tij në Greqi. Kemi të bëjmë me organizator dhe porositës, i ka bërë për qëllime përfitimi. Jemi në komunikime të vazhdueshme me zyrën homologe të Interpolit, Kemi besime se do të arrijmë, pavarësisht problematikave ligjore që kemi mes dy vendeve.”, tha ai.
I pyetur se si u arrit të bindej Artan Tafanin për t’u rrëfyer për këto krime, drejtuesi i Prokurorisë së Elbasanit Kreshnik Ajazai tha se është sekret hetimor.
