Dëshmitë e Artan Tafanit, përpara prokurorit Kreshnik Ajazi kanë bërë të mundur zbardhjen e një sërë ngjarjesh të mbetura pa autor. Një prej tyre është edhe vendosja e tritolit në lokalin e reperit të njohur Noizy, i cili është në pronësi të babait të tij Bashkim Rajku. Mësohet se përgjegjës për këtë krim është banda e Laert Haxhiut. Lajmi u bë i ditur nga Drejtori i Përgjithshëm i Policisë, Muhamet Rrumbullaku, i cili teksa bëri një rezyme të krimeve të kryera nga banda e Laert Haxhiut, deklaroi se ky grup është përgjegjës për vendosjen e tritolit në lokalin e shtetasit Bashkim Rajku. Kujtojmë se ngjarja ka ndodhur pak pasi reperi Noizy pati një përplasje fizike me shtetasin Kleviol Ahmeti i njohur me emrin e artit si Cllevio. Ky i fundit është më origjinë nga Lushnja, nga i njëjti vend ku ka rrënjët edhe banda e Laert Haxhiut. Kujtojmë se asokohe, Kleviol Ahmeti u arrestua nga policia, por ende nuk ka prova të bëra publike që i lidhin dy ngjarjet me njëra tjetrën.
Gent Progni nga protesta: Zbuluam databazën e re të patronazhistëve, policia tentoi të na ndalte gjeneratorin sepse na kanë frikë
Eksperti i IT-së dhe një nga zërat aktivë të qëndresës qytetare, Gent Progni, ka bërë një deklaratë të fortë nga...
