Policia ka marrë në pyetje anëtarë të fisit Reçi, pas dyshimeve për një hakmarrje të tyre ndaj viktimës. Martin Bardhi u vra dje në lokalin e tij me breshëri kallashnikovi, ku mbetën të plagosur edhe 3 persona të tjerë që ishin në tavolinë me të, të cilët ndodhen në spital, fatmirësisht jashtë rrezikut për jetën.
Bardhi kishte dalë nga burgu vetëm pak kohë më parë, pas një atentati të dështuar në mars të këtij viti ndaj Sajmir Reçit, nipit të biznesmenit Kastriot Reçi, i vrarë në Rrëshen më 7 janar 2020. Pikërisht dyshohet se vrasja e djeshme ka si motiv hasmërinë dhe policia po heton kryesisht në këtë pistë.
