1700 kg kokainë janë kapur nga autoritetet spanjolle në portin e Valencias. Zyrtarët e Mbikëqyrjes Doganore të Agjencisë Tatimore, në një operacion të përbashkët me Policinë Kombëtare, kanë goditur rrugën kryesore të hyrjes së kokainës në Spanjë për kartelin. Gjatë operacionit ka rënë në pranga një shqiptar, pjesë e kartelit ballkanik dhe kishte ardhur nga Shqipëria për të mbikëqyrur transaksionin. Mësohet se i arrestuari ka trajnime ushtarake dhe njohuri të larta operacionale.
Kokaina ishte fshehur në kontejnerë me fruta deti nga Ekuadori në mënyra të ndryshme, duke përdorur vrima në frigoriferin e kontejnerëve, duke projektuar dysheme false mbi to ose trarë me zgavra brenda për të vendosur lëndën narkotike.
Hetimi filloi kur u bë e ditur se rrjeti mund të importonte kontejnerë detarë me fruta nga Ekuadori në baza javore që do të fshihnin sasi të konsiderueshme droge.
