Pas afro 7 muajsh që ishte shpallur e zhdukur është gjetur në Sarandë 48-vjeçarja greke Irini Papagelou. Kjo e fundit i kishte humbur gjurmët në fillim të muajit mars nga Neohori i Halkidikisë.
Sipas informacioneve nga mediat greke, një kërkesë e veçantë ishte paraqitur nga familja e saj pas zhdukjes nëpërmjet avokatit, për shkak të telefonatave të shumta që të afërmit e saj merrnin nga numrat e telefonit shqiptarë.
Pasditen e së premtes, autoritetet shqiptare bënë me dije se 48-vjeçarja Irini është gjetur në Shqipëri dhe mbrëmjen e djshme Irini është rikthyer në krahët e familjes së saj.
Avokati i familjes së 48-vjeçarit, Anastasios Dougas, tha se “ne kemi vepruar me fshehtësi ekstreme. Nuk i bëmë publike elementet dhe informacionet bazë që kishim dhe kështu arritëm sot në pikën ku Irini u kthye në shtëpinë e saj”.
“Për shkak se kam folur gjatë natës me Irinin, e vetmja gjë e sigurt është se vajzës i ka ndodhur diçka dhe ajo është zhdukur. Gjithçka do të sqarohet në ditët në vijim. E rëndësishme është që të jetë në jetë”, shtoi ai.
