Arrest me burg ka vendosur Gjykata e Posaçme për avokatin Alban Bengasi, i cili akuzohet se ka tentuar të vrasë ish0gruan e tij. Avokati u arrestua dy ditë më parë në Rinas ndërsa po kthehej nga Dubai. Teksa doli para trupës gjykuese Bengasi ka deklaruar se nuk ka lidhje me akuzat dhe se me ish-bashkëshorten kanë marrëdhënie normale, pavarësisht divorcit.
“U kanë futur në një rrugë pa krye, u kanë orientuar gabim. Nuk kam lidhje me akuzat. Me bashkëshorten kam marrëdhënie normale pavarësisht se jemi divorcuar. Kërkoj të hetohem pa masë. Ka mbetur prokuroria vetëm në deklarimet e gënjeshtra të Nuredin Dumanit, i cili është një person që akuzohet për shumë vrasje, dhe kurrsesi nuk duhet të merret parasysh dëshmia e një personi të dënuar më parë, i cili akoma akuzohet për një sërë vrasjesh. Edhe vetë ish-bashkëshortja Blerta Rruci kërkon që të pushohen hetimet pranë SPAK ndaj Alban Bengasi, pasi ai s’ka asnjë lidhje me këtë ngjarje”, ka deklaruar ai.
