Është zbardur dëshmia e Rei Metës, i cili ka deklaruar në polici se ngjarja tragjike ndodhi pas një konflikti mes tij dhe Armando Meshaut, 55-vjeçarit, në lidhje me një pronë në Vlorë. Meshau ndërroi jetë pasi u godit me grushte nga Meta. Ky i fundit tha se qëllimi i takimit ishte për të printuar disa dokumente dhe që nuk kishte qëllim për të vrasë Meshaun.
Sipas dëshmisë së Metës, konflikti filloi kur Meshau e ofendoi atë dhe goditi i pari. Meta pretendoi se ai përdori forcën për vetëmbrojtje dhe se Meshau humbi jetën pasi u godit nga përplasja me tokën. Ngjarja u përshkrua si pasojë e një konflikti mbi një apartament në Vlorë, ku Meta kishte ndërhyrë si sekser për të zgjidhur çështjen e pronësisë së Meshaut.
Ndërtuesi i njohur në Vlorë i kishte premtuar Metës një apartament në këmbim të shërbimeve si sekser për pronën e Meshaut. Por, pasi puna nuk u mbarua siç ishte premtuar, konflikti u përkeqësua dhe çështja e apartamentit nisi të shkaktojë tensione mes tyre.
Përplasja tragjike ndodhi në një kancelari në Vlorë, ku një konflikt verbal degradoi në një përplasje fizike që solli në vdekjen e 55-vjeçarit. Rei Meta, djali i Nurihan Seiti Metës, anëtarja e njohur e Këshillit të Lartë të Prokurorisë, ka dhënë dëshmi për ngjarjen dhe ka pretenduar vetëmbrojtje në veprimet e tij.
