Real Madrid ka vazhduar fitore pasi mposhti Milanin me një përmbysje të mrekullueshme, dhe tani ka fituar edhe miqësoren e dytë në tokën amerikane, ku ndodhet për turneun veror. Kësaj here, skuadra “Los Blancos” triumfoi me rezultatin 2-0 ndaj Manchester United në stadiumin e Houston-it.
Ndeshja u zhbllokua shumë shpejt, pas vetëm gjashtë minutash, me golin e Bellingham, i cili shënoi golin e tij të parë me fanellën e bardhë. Ai e pranoi një pasim të shkëlqyer nga Rudiger dhe me një goditje të butë mposhti portierin Onana.
Në fund të kohës së rregullt, Joselu shënoi një gol spektakolar me “biçikletë”, duke i dhënë fund ndeshjes me rezultatin përfundimtar 2-0 në favor të Real Madridit.
Pas kësaj fitoreje, skuadra e trajnerit Carlo Ancelotti do të përgatitet për ndeshjen e shtunën, më 29 korrik, në ndeshjen e famshme “El Clasico” kundër Barcelonës. Ndërkohë, Manchester United do të përballet me Borussia Dortmundin më 31 korrik.
Në një tjetër ndeshje miqësore të shumë pritur, Arsenal fitoi ndaj Barcelonës me rezultatin 5-3. Skuadra e Xavit fillimisht mori avantazhin me golin e Robert Leëandoëskit në minutën e 7-të, por pastaj Arsenal barazoi shpejt me Sakan në minutën e 13-të.
Pas një penalltie të humbur nga anglezi, Raphinha shënoi një goditje dënimi dhe i kthyerit tek Arsenal, Kai Havertz, barazoi rezultatin 2-2 para pushimit mes dy pjesëve. Në pjesën e dytë, Trossard shënoi dy herë për Arsenalin, ndërsa Ferran u përgjigj me një gol për Barcelonën. Megjithatë, Fabio Vieira shënoi golin e pestë për Arsenalin, duke e mbyllur ndeshjen me rezultatin 5-3 në favor të skuadrës angleze.
Këto ndeshje miqësore ofruan emocion dhe shumë golashë të bukur, duke ndezur pasionin e tifozëve të këtyre klubeve.
