Detaje të reja kanë dalë bë dritë në lidhje me ngjarjen e ndodhur ditën e sotme në një parking pallati në zonën e Unazës së Re. Zjarri në parking mësohet ka qenë i qëllimshëm.
Në njoftimin e policisë mbi ngjarjen, thuhet se autori 36-vjeçar, i cili vuan nga probleme të shëndetit mendor, pas një konflikti me të atin, qytetari me inicialet S.L, i ka vënë flakën automjetit të tij.
36-vjeçari me inicialet E.L ndodhet në spital, pas dëmtimeve të lehta si pasojë e zjarrit.
Njoftimi i Policisë: Tiranë/Informacion shtesë mbi zjarrvënien në Unazën e Re
Në vijim të informacionit paraprak të dhënë pak më parë, për zjarrin e rënë në parkingun e një pallati në Unazë të Re, ju sqarojmë se:
Nga verifikimet e kryera ka rezultuar se autor i dyshuar i kësaj ngjarje është shtetasi E. L., 36 vjeç, me probleme të shëndetit mendor, i cili dyshohet se gjatë një konflikti me shtetasin S. L. (babai), i ka vënë zjarrin automjetit të tij.
36-vjeçari është shoqëruar në spital për ndihmë mjekësore pasi ka pësuar dëmtime të lehta si pasojë e zjarrit.
Në ambientet e Komisariatit të Policisë Nr. 6 është shoqëruar shtetasi S. L., i cili ishte prezent bashkë me 36-vjeçarin, gjatë ngjarjes.
