Para rreth 2 javësh një Exchange në Astir ra pre e një grabitje ku u morën 40 mijë euro, ndërkohë që disa ditë më pas autori Artan (Marjus) Tafani u identifikua dhe u shpall në kërkim.
Por duket se vjedhja nuk është aktiviteti i vetëm i Tafanit pasi dyshohet se është përfshirë edhe në ngjarje të tjera kriminale. Burime nga grupi hetimor bëjnë me dije për Top Neës se Tafani mund të jetë pjesë e një grupi vrasësish me pagesë.
Gjithashtu po sipas po të njëjtave burime mësohet se 39-vjeçari ka marrë pjesë në një vrasje të bujshme në vend. Hetuesit tregohen të rezervuar lidhur me ngjarjen që ai është përfshirë pasi hetimet janë ende në vijim.
Makina e gjetur e vjedhur në garazhin e bashkëpunëtorit të tij pas zbardhjes së grabitjes dyshohet se do përdorej në ngjarje të tjera kriminale.
Tafani është një emër i njohur për autoritetet. Artan (Marius) Tafani u shpall në kërkim 3 ditë pas grabitjes së pikës valutore. Ai u identifikua pas vëzhgimit të kamerave të sigurisë.
Ku rezultoi se ai ka lëvizur me biçikletë dhe me pas ka humbur gjurmët me taksi. Për ngjarjen u arrestua edhe Enio Meçaj, në magazinën e të cilit u gjetën edhe rrobat që përdori në grabitje 39-vjeçari.
Në vend të zgjidhjes, Rama kërkon fajtorët e zjarrit në ChatGPT dhe… ChatGPT i kundërpërgjigjet!
Kryeministri Edi Rama ka reaguar sërish lidhur me kritikat për mungesën totale të avionëve zjarrfikës në Shqipëri, ndërkohë që vendi...
