15 vite burgim ka kërkuar Prokuroria e Beratit, për Belul Kokollarin i cili akuzohet për përdhunimin e nipit 7-vjeç. Seanca në gjykatë u zhvillua mesditën e sotme pa praninë e mediave për shkak të sensivitetit të ngjarjes. Pasi prokurori Elidon Hysenaj kërkoi 15-vite burg për Belul Kokollarin, trupi gjykues e shtyu dhënien e vendimit penal për në 11 Korrik. 46-vjeçari Belul Kokollari akuzohet për veprën penale të “Marrëdhënieve seksuale apo homoseksuale me të mitur”,parashikuar nga Neni 100,paragrafi i parë i Kodit Penal.
SIpas akuzës së paraqitur nga organi akuzës Kokollari ka përdhunuar nipin e tij 8-vjeç,me iniciale A.S në 4 Nëntor 2021 në banesën e tij në Malësinë e Madhe në Prizren,ku nipi kishte shkuar me pushime së bashku me nënën.Pas përfundimit të hetimeve të kryera,që kanë zgjatur rreth 10-muaj, Prokuroria e rrethit të Beratit,e përfaqësuar nga prokurori Elidon Hysenaj, e përcjelli çështjen për gjykim në Gjykatën e Shkallës së Parë Berat.
DENONCIMI
Denoncimi në Komisariatin e Policisë së Beratit është bërë nga nëna e të miturit,Shpresa Selimaj në 10 Nëntor 2021.Ajo ka denoncuar në polici vëllain e saj Belul Kokollari,duke pretenduar se ai kishte kryer marrëdhënie seksuale me djalin e saj të mitur.Ajo ka deklaruar se është shtetase kosovare dhe e martuar në Berat,ku jeton me bashkëshortin e saj në lagjen “28 Nëntori” dhe se çdo 3-muaj shkonte në Kosovë për të vizituar vëllezërit e saj.Në datën 4 Nëntor 2021 ajo ishte nisur me djalin e saj drejt Kosovës,ku ka qëndruar deri në datën 9 Nëntor dhe kur është kthyer në Shqipëri djali i ka treguar gjithçka.
