Kreu i Partisë së Lirisë Ilir Meta e ka cilësuar rastin e kryebashkiakes së Roskovecit si fytyrën e vërtetë të Rilindjes. Kjo e fundit u kap në një audiopërgjim ku shantazhonte punonjësit që të mos merrnin pjesë në takimet e Berishës, si dhe i detyronte ato që të merrnin pjesë në takimet e kryeministrit Rama. Këto komente Meta i bëri në një takim ditën e sotme në Fier.
Ai ka shtuar gjithashtu se kryeministri i përdor pushtetarët vendorë, dhe në momentin që i dalin nga kontrolli, i dërgon në SPKA apo u nis procese.
“Sa më pak ulur, e sa më pak me njëri tjetrin. Sa më shumë me të lëkundurit dhe me ata që nuk mbyllin dot muajin por që nisin kërkojnë borxh që në ditën e 10 të muajit e po i mbysin me taksa e diversione e presione.
Jemi habitur besoj me aktet e rënda të publikuara për kryebashkiaken e Reskovecit.
Ajo është fytyra e vërtetë e Rilindjes, nuk ka asnjë qytetare e njerëzore, është fytyra e atyre që u thonë me kë duhet ose jo të pini kafe, ku kontrollojnë çdo emërim deri tek emërimi i sanitares, kanosin qytetarët që dihet që do votojnë kundër.
Kam një pyetje për qytetarët: Mund të vijohet kështu? Është një turp i madh, ajo është fytyra e Rilindjes e Ramës.
I keni parë posterat në 61 bashki?
Ku kandidon?
61 persona i quan gomerë, kur i dalin nga presioni i çon në SPAK e u hap ndjekje.
11 vjet kryeministër, Fieri me vijë bregdetare sa Sllovenia nuk ka një investim në fushën e turizmit. Ka monopolizuar turizmin.
Kur nuk kanë frikë as nga i madhërishmi lart, imagjinoni ç’bëjnë me pronat e qytetarëve. në Vlorë çdo dy javë ndërrohen drejtorët për sepse ndodhin vjedhje pronash”, tha ai.
