Një nxënës 14-vjeçar u arrestua si autor i masakrës që tronditi të mërkurën (3 maj) Beogradin. Ai hapi zjarr në një shkollë duke lënë nëntë të vdekur dhe disa të tjerë të plagosur. Djaloshi vrau shtatë vajza, një djalë, si dhe rojen e sigurisë. Trupat e tri vajzave u gjetën në korridor, ku ishte edhe roja e sigurisë. Kurse në klasë u gjetën trupat e katër vajzave dhe një djali. Autori i krimit debatoi fillimisht me rojen dhe më pas hapi zjarr ndaj tij. Më pas u fut në klasë gjatë orës së historisë dhe qëlloi mësuesen dhe fëmijët. Bilanci mund të përkeqësohet pasi thuhet se dy fëmijë janë në gjendje kritike në spital. 14-vjeçari u arrestua në oborrin e shkollës. Atij u vunë prangat dhe një xhaketë në kokë që të mos dallohej fytyra. Siç raportojnë mediat, ai nuk i rezistoi arrestimit. Mësohet se nxënësi cilësohej i qetë dhe ishte shumë i mirë në mësime. Ka disa raportime të paverifikuara se ai mund të ishte viktimë e bullizmit. Autori i krimit përdori armën e babait të tij dhe raportohet se i ati kishte dy armë me leje. Milan Nedeljkovic, kryetari i qarkut ku ndodhet shkolla, tha se mjekët po bënin të gjitha përpjekjet për të shpëtuar jetën e mësueses së plagosur.
Nga “armëmbajtës pa leje” në Kryeinspektor, kur Kryeministri duhet të japë llogari për fjalën e vet
Edi Rama, nga foltorja e Kuvendit, akuzonte Dashnor Sulën si “armëmbajtës pa leje”, se “i gjuante arbitrave me revole” dhe...
