Ishte kthyer në tmerr për Pekshkopinë, arrestohet i riu, ja çfarë iu gjet gjatë kontrollit (EMRI)

Një 28-vjeçar është arrestuar nga policia e Dibrës pasi akuzohet se ka vjedhur disa banesa dhe dyqane në qytet. Fatjet Kaca është autori i vjedhjes së dyqanit të shtetasit A.S., dhe i vjedhjes së banesës të shtetasit A.M., në qytetin e Peshkopisë.Ndërkohë që pas kontrollit që i ëhstë bërë pas arrestimit, Kacës i është gjetur edhe një sasi lënde narkotike.

Njoftimi i policisë:

Dibër/Vidhte në banesa dhe në dyqane, kapet e vihet në pranga 28-vjeçari.

Zbardhen dy vjedhje të kryera nga ky shtetas.

Në momentin e kapjes, shërbimet e policisë i gjetën një sasi lënde narkotike canabis sattiva.

Vijon puna hetimore për zbardhjen e vjedhjeve të tjera të dyshuara të kryera më parë nga ky shtetas.

Në vijim të punës për parandalimin e rasteve të vjedhjes së pronës e pasurisë dhe zbardhjen e atyre të ndodhura më parë, bazuar dhe në informacionet e siguruara për një shtetas që kishte kryer vjedhje, shërbimet e Komisariatit të Policisë Dibër kanë organizuar punën për lokalizimin dhe kapjen e tij. Si rezultat u kap dhe u arrestua shtetasi F. K., 28 vjeç, banues në Dibër.

Nga kryerja e veprimeve hetimore dhe provat e sekuestruara, dyshohet se 28-vjeçari, është autori i vjedhjes së dyqanit të shtetasit A.S., dhe i vjedhjes së banesës të shtetasit A.M., në qytetin e Peshkopisë.

Në momentin e kapjes shërbimet e policisë, i gjetën 28-vjeçarit të fshehur në trup, një sasi lënde narkotike canabis sattiva.

Materialet i kaluan Prokurorisë pranë Gjykatës së Rrethit Gjyqësor Dibër, për veprime të mëtejshme.