Protesta e banorëve të Bërxullës që kundërshton projektin Thumanë-Kashar që prek banesat e tyre, duket se po shkon drejt një zgjidhjeje. Banorët e Bërxullës kanë arritur një marrëveshje me Kadastrën. Kryeplaku i fashatit Muharrem Koni tha pas takimit me drejtorin e zyrës rajonale të Kadastrës në Vorë se mori garancinë se ata banorë që kanë bërë aplikimet do te marrin certifikimin e prones se tyre.
Ndërkohë për të tjetër janë ende në kohë që të bëjnë aplikimet. Kujtojmë se prej 7 muajsh tashmë banorët e Bërxullës janë në protestë për të kërkuar vlerësimin e saktë të pronave të tyre nga shteti.
Koni: Sot u bë i mundur takimi ku u diskutua mbi problematikat, për pronat dhe banesat dhe dolën në përfundim se të gjithë ata banorë që kanë aplikimet do të certifikohen. Janë brenda kohës për të certifikimin.
Nga ana e hipotekës jam shumë i kënaqur. Cdo aplikim që është brenda, cdo kush që ka dokumenta, e merr certifikatën brenda 5 ditësh.
Banorët e Bërxullës kanë protestuar prej gati 7 muajsh për projektin Thumanë-Kashar, ku pritet që të prishen me dhjetëra banesa.
Ata kanë hedhur akuza ndaj qeverisë por edhe firmës që ka marrë projektin “Gener 2”, se nuk janë treguar transparentë teksa kane kerkuar qe te dëmshpërblehen me çmimin e tregut.
Megjithatë pas disa muajve ata duket se kanë gjetur gjuhën e përbashkët.
