Banorët e Bërxullës kanë dalë sërish për të protestuar kundër projektit Thumanë-Kashar. Sipas tyre projekti nuk është i pajisur me një leje ndërtimi dhe nuk ekziston asnjë vendim për shpronësimet. BAnorët e Bërxullës kërkuan edhe mbështetjen e Presidentit të Republikës, duke i bërë thirrje që të reagojë dhe të mbështesë qytetarët.
“Edhe kishte një muaj që kishte filluar ndërtimet, agjencia e punimeve nuk kishte leje. Vendimi për shpronësimet nuk ka ardhur akoma. 7 muaj këtyre zotërinjve nuk i ka dalë koha për të përcaktuar vlerën e pronës. Projekt rruge nuk ka legalizime, certifikime pronash nuk ka. Nuk e di çfarë bëjnë. Shteti duhet të ishte angazhuar 100 % për zhvillimin e këtij projekti. Ne nuk kemi qenë në dije, vetëm kur firma ka zbritur në terren kemi mësuar për çfarë bëhet fjalë. Për të bërë urën 10 që kanë në projekt, nuk e zhvillojnë dot. Pra sot jemi në një katrahurë, bashkë me ata që e kanë projektuar dhe e zbatojnë. Por deri më sot jemi në muajin e 7 të protestës tonë dhe ne nuk do të tërhiqemi. Shteti 7 muaj fle gjumë. Këto janë projekte që japin shkatërrim dhe janë për ata që duan të abuzojnë pasi ky projekt nuk do t’i shërbejë as komuniteti as Shqipërisë”, u shpreh një qytetar.
