Presidenti Bajram Begaj ka deklaruar se Shqipëria e mbështet Kosovën në rrugëtim e saj drejt BE. Ai ëshët duke zhvilluar një vizitë në Kosovë dhe këtë deklaratë e bëri në Kuvendin e Kosovës ku ishte i pranishëm me rastine 15 vjetorit të Pavarësisë. Begaj theksoi se duhet punuar shumë që brezave të rinj t’i lënë trashëgimi bashkëjetesën, harmoninë dhe jo ndasinë.
“I uroj sukses në rrugëtim e Kosovës në BE. Shqipëria është pranë jush. Ka mbështetur dhe mbështet dialogun Serbi-Kosovë. Kosova është shtet i pavarur, qeveria serbe nuk e ka ndalur aktivitetin e saj kundër Kosovës. Angazhimi i BE dhe SHBA-së shpreh rëndësinë që ka Republika e Kosovës për të ardhmen në rajon. Ne i bëhemi mbështetës bashkëkombësve tanë duke promovuar mirëqenien . Gëzuar Ditën e Pavarësisë Republikës së Kosovës. Shtet përjetë”, tha Begaj në seancën solemne në parlamentin e Kosovës.
Sot mbushen 15 vite nga shpallja e pavarësisë së shtetit më të ri në Evropë, Kosovës. Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik. Pavarësia erdhi pas një kalvari të gjatë vuajtjesh për qytetarët e Kosovës, për shkak të spastrimit etnik që tentoi Sllobodan Millosheviç.
