Deputeti Flamur Noka ka reaguar me tone të ashpra ndaj kryetares së Kuvendit Lindita Nikolla dhe deputetëve të mazhorancës. Ai është përjashtuar nga seanca pasi mori disa paralajmërime sepse fryente një bilbil teksa flisnin deputetët.
Noka: Nga sot e në vazhdim ju mund të përdhunoni këtë parlament. Atje jashtë ka njerëz të lirë. Aty fjala ka peshë, ndërsa këtu vetëm një fjalë ka peshë, karton për të vjedhur. Këtë sallë po e shndërroni në një sallë skllevërish. Ju do të hyni në histori. Ka pasur edhe plumba në këtë parlament, por kurrë fjala nuk është ndaluar. Ka pasur zhvillimet të ndryshme, por kurrë opozitës nuk i është mbyllur goja. Kur kryeministri juaj nuk lë fjalë banale pa përdorur.
Nikolla: Nuk të lejoj të vijosh me shpifje të rënda. Unë interpretoj rregulloren e Kuvendit. Boll me shpifje. E keni kthyer Kuvendin në kafenenë e lagje.
Noka: Cicërima që dëgjuam qëparë, sulltanin e Surrelit e ka zënë tmerri. Gjithçka që Sali Berisha të mos flasë që zëri i opozitës të mbyllet. E mbani këtë parlament se ju urdhëron Sulltan Surreli.
Seanca parlamentare u ndërpre me miratimin e të gjithë deputetëve të mazhorancës që votuan pro pas propozimit të drejtueses së seancës Lindita Nikolla. Edhe deputetët e opozitës u larguan nga salla dhe po iu bashkohen protestuesve.
