Senati Akademik i Universitetit të Arteve ka zhvilluar sot një mbledhje në të cilën është vendosur që të mbështeten të gjitha kërkesat e studentëve të cilët kanë 9 ditë që protestojnë.
Gjatë mbledhjes nuk është diskutuar vetëm të mbështeten kërkesat e tyre, por senati merr përsipër me përgjegjësi përfshirjen e të gjitha mekanizmave financiare për të garantuar transparencë maksimale,përfshirjen në statut dhe rregulloret e brendshme të institucionit si edhe të ngrejë një grup të përbashkët pune për shqyrtimin e të gjitha problematikave të ngritura.
1-Të mbështesë kërkesat e formuluara nga studentët
2-Të mbështesë si të nevojshme përgjysmimin e tarifave të shkollimit dhe t’i kërkojë Bordit të Administrimit përllogaritjen e efektit financiar për UART.
3-Senati Akademik i UART merr përsipër me përgjegjësi përfshirjen e të gjitha mekanizmave financiare, për të garantuar transparencë maksimale dhe realizimin e tyre brenda vitit akademik 2018-2019, të të gjitha hapave të duhura drejt një arsimimi artistik cilësor, etikës në krijimtari e kërkkim shkencor, por dhe përfshirjes direkte të studentëve.
4-Senati Akademik i UART mer përsipër përfshirjen në statut dhe rregulloret e brendshme të institucionit, kodifikimin e rregullave të qarta që do të garantojnë pjesëmarrjen e nevojshme të studentëve në veprimtaritë akademike dhe financiare.
5-Senati Akadamik i UART mer përsipër të ngrejë një grup të përbashkët pune, pedagogë dhe studentë, për shqyrtimin e të gjitha problematikave të ngritura dhe çështjeve të tjera që lidhen me përmirësimin e veprimtarisë së UART.
