Joe Biden ka shpallur kandidaturën për zgjedhjet presidenciale të 2020. Ai renditet në anketa në krye të 20 pretendentëve për të marrë emërimin e Partisë Demokrate.
Joe Biden u fut në garë pasi shpalli kandidaturën përmes një videoklipi ku sulmonte Presidentin Donald Trump:
“Nëse do të vijë në Shtëpinë e Bardhë do të mundohem të ndryshoj në mënyrë pozitive karakterin e vendit. Unë nuk mund të rri pasiv.” – theksoi Biden
Muajin e kaluar, ndërkohë që zoti Biden po mbante fjalim në Uashington, disa anëtarë të një sindikate zjarrfikësish i bënë thirrje të futet në garë.
“Nuk dorëzohet njeri në Amerikë. Nuk ka ndodhur dhe nuk ka për të ndodhur kurrë, falë jush,” tha zoti Biden.
Biden është vënë në qendër të vëmendjes kohët e fundit pasi një numër grash thanë se në reagime të drejtpërdrejta ai është sjellë në një mënyrë që i kanë vënë në siklet. Ai është zotuar të tregohet më i kujdesshëm në të ardhmen.
Shumë demokratë e shohin zotin Biden si të moderuar. Ai shpreson se roli si nënpresident në administratën Obama do ta ndihmojë të tërheqë elementin progresiv në parti.
“Të gjithë më pyesin se çfarë soj demokrati jam. Jam demokrat i tipit Obama-Biden dhe e them me krenari,” – përfundoi Biden.
