Këtë të enjte Gjykata e Posaçme e Apelit për Korrupsionin dhe Krimin e Organizuar (GJKKO) në seancën e zhvilluar për çështjen e zëvendës presidentit të FSHF-së, Arben Dervishaj ka vendosur të lërë në fuqi të vendimit të mëparshëm.
Dervishaj dyshohet si i implikuar në aferën e inceneratorëve, më konkretisht në Inceneratorin e Fierit, që është cilësuar si një nga aferat më të mëdha korruptive. Pas vendimit që e la atë në arrest me burg, ky i fundit e apeloi vendimin, por që u rrëzua nga apeli i Posatshëm ditën e sotme
Njoftimi i prokurorisë:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Iliriana Olldashi, sot më datë 29.12.2022, zhvilloi seancë gjyqësore për çështjen penale nr. 40 akti, datë 22.12.2022 regjistrimi, regjistruar mbi ankimin e personave nën hetim A.D., R.M. dhe E.Sh., ndaj vendimeve nr. 82 akti, datë 11.11.2022 dhe nr. 86 akti, datë 18.11.2022, të Gjykatës së Posaçme të Shkallës së Parë për Korrupsionin dhe Krimin e Organizuar në lëndë të masave të sigurimit, dhe vendosi:
– Miratimin e vendimeve nr. 82 akti, datë 11.11.2022 dhe nr. 86 akti, datë 18.11.2022, të Gjykatës së Posaçme të Shkallës së Parë për Korrupsionin dhe Krimin e Organizuar për disponimet lidhur me ankuesit A.D., R.M. dhe E.Sh.
