Me datë 21 dhjetor ka ndërruar jetë stjuardesa e “Air Albania” Greta Dyrmishi, teksa avioni ka zbritur në Londër. Ndërkohë që kompania për të cilën punonte viktima, “Air Albania” ka dalë me një njoftim zyrtar lidhur me ngjarjen e rëndë.
“Air Albania” bën të ditur se Greta Dyrmishi ka pësuar atak kardiak, ndërkohë që shton se menjëherë kompania ka kontaktuar familjarët e stjuardesës, Greta Dyrmishi. Sipas tyre lajmi është shpërndarë me vonesë në respekt të Gretës dhe familjes së saj.
“Më 21 Dhjetor, pasi zbritëm të gjithë udhëtarët e fluturimit drejt Londrës, një nga anëtarët e ekipit të kabinës, Greta Dyrmishi pësoi atak kardiak. Edhe pas të gjithë asistencës mjekësore të ofruar në moment, ne përsëri e humbëm. Air Albania ka kontaktuar familjen e saj që në momentet e para dhe vazhdojmë të jemi pranë tyre në këto momente të vështira.Në respekt të Gretës dhe familjes së saj ne vendosëm ta ndajmë lajmin me publikun në momentin më të përshtatshëm. Në do ta kujtojmë gjithmonë Gretën si një profesioniste të pasionuar, një bashkëpunëtore të shkëlqyer dhe mikeshë shumë të mirë e të gjithëve ne. Me besimin se ajo sot gjendet mes mëshirës së Zotit, Air Albania do të vazhdojë t’i qëndrojë pranë familjes”, thekson kompania Air Albania.
